Қаҳванинг табиийсини ва мазалисини танлаймиз

Яхши ва сифатли қаҳва танлашни олдиндан тайёргарлик кўрмасдан туриб амалга ошириш қийин.

Расмий сайтлар орқали қаҳва ишлаб чиқаришга ва хом ашёга доир ҳамма маълумотларни ўрганиб чиқиш зарур.

Дўконларда қаҳва солинган идишларга ҳам эътибор қилинг. Тунука идишдаги қаҳва идиш очилгандан сўнг ҳаво таъсирида оксидланади ва ўз ҳидини, таъмини йўқотади. Шунинг учун қаҳва идишларини ва қутиларини диққат билан кўздан кечиринг.

Бундан ташқари, қаҳва қанчалик майда эзилса, шунчалик фойдали хусусиятлари камайиб боради.

Энг фойдали қаҳва – бу бутун қаҳва дони ҳисобланади ва эзилган қаҳвага қараганда анча қимматроқ туради.

Шунингдек, қаҳвани сифатли ва тоза озиқ-овқат маҳсулотлари билан савдо қилувчи маркетлардан олишга ҳаракат қилинг.