Ушбу мақолада ҳар бир аёлнинг гардеробида бўлиши зарур бўлган таянч аксессуарлар ҳақида гапирамиз.
Сумка
Ҳар бир аёл гардеробида турли либосларга мўлжалланган 3 хил сумка бўлиши лозим. Асосий сумка қора, тўқ кўк ёки тўқ кулрангда бўлгани яхши.Гардеробингизда елкага осиладиган ингичка тасмали ёки занжирли кичкина сумка ҳам бўлиши керак. У кундалик ва ишга киядиган пальто ёки курткангиз билан жуда мос тушади.
Тантанали кечалар ва кечки базмлар учун тўр ёки атлас матодан ясалган клатчни танлаганингиз маъқул.
Безаклар
Асосий безаклар билагузук, колье ва соатлардан иборатдир.Билагузук турлари жуда кўп. Лекин, ҳар бир аёлда барча либосларга мос келадиган ялтироқ металдан кенг қилиб ясалган билагузук бўлиши лозим.
Колье ўрнида ҳамма кийимлар билан ярашадиган осилиб турувчи узун занжирни танлаганингиз маъқул.
Охирги безак – «эркаклар» соати. Унинг қўпол шакли билакларни янада нозиклаштириб кўрсатади.
Изоҳ (0)