Хитой Ташқи ишлар вазирлиги вакили Хуа Чуньиннинг маълум қилишича, Хитой томонидан Россия чегараси яқинига Dongfeng-41 (DF-41) қитъалараро баллистик ракеталаридан иборат мобил комплексларнинг жойлаштирилгани ҳақидаги хабарлар — «интернетда айланиб юрган миш-мишлардан ортиқ нарса эмас».
Хуа Чуньиннинг қайд этишича, Хитой мазкур хабарларга Кремль томонидан «ижобий муносабат» билдирилганига эътибор қаратган. Аввалроқ Россия президенти матбуот котиби Дмитрий Песков Хитойдаги ҳарбий тараққиётни Россия ўзига таҳдид сифатида билмаслигини айтиб ўтган эди.
24 январь куни Хитойнинг Global Times нашри, Гонконг ва Тайвань оммавий ахборот воситаларига асосланиб, Россия билан чегарадош Хэйлунцзян вилоятига DF-41 баллистик ракеталаридан иборат ҳаракатланувчи комплекслар жойлаштирилгани ҳақида хабар берган эди.
Эътиборли томони, мазкур баллистик ракеталарнинг Хитой армияси томонидан фойдаланишга қабул қилингани ҳақида ҳозирга қадар расмий ахборот берилган эмас.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)