Қирғизистонда Қуруқликдаги қўшинлар ташкил этилди

Қирғизистон президенти Алмазбек Атамбаев мамлакатда Қуруқликдаги қўшинларни ташкил этиш ҳақидаги фармонни имзолади. Бу ҳақда «ТАСС» хабар бермоқда.

Қирғизистон президенти матбуот хизмати ахборотига кўра, Қуруқликдаги қўшинлар «Қирғизистоннинг ҳарбий хавфсизлигини янада мустаҳкамлаш мақсадида» ташкил этилмоқда.

Президент фармонига мувофиқ, полковник Эрлис Тердикбаев Қирғизистон Қуруқликдаги қўшинлари қўмондони этиб тайинланган. Мазкур қўшин мамлакат Қуролли кучлари Бош штабига бўйсунади.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.