Яқиндагина ўзбекистонлик гроссмейстер Гулруҳбегим Тоҳиржонова Miss Chess CIS сўровномасига қўйилиб, якунда МДҲнинг энг гўзал шаҳматчиси деб топилганди. Эндиликда шу сўровномани ўтказган нашр иккинчи ишга қўл урди ҳамда Евросиёнинг 2017 йилдаги энг гўзал шаҳматчисини аниқлашга киришди.
Даъвогарлар орасида ўзбекистонлик Сарвиноз Қурбонбоева ҳам бор. Хабар сайтга жойланаётган вақтда у 93 та овоз билан билан рейтингда бешинчи бўлиб турганди. Пешқадамлик эса тожикистонлик Мутриба Хотамийнинг қўлида. Қўшни республика шаҳматчиси ҳозирга қадар 341 та овоз тўплаб улгурган.
Шаҳматчилар қандай мезонларга кўра саралаб олинаётганига ойдинлик киритилмаган. МДҲнинг энг гўзал шаҳматчиси бўлиш учун курашда Гулруҳбегимдан кейинги икки ўринни эгаллаган қирғизистонлик қизлар бу сафар ҳам сўровномага киритилган.
Miss Chess Eurasia—2017 сўровномаси якунига 9 кун вақт бор. Қуйида саралаб олинган 9 нафар шаҳматчи билан танишиш мумкин. Сўровномада иштирок этиш учун шу ҳаволани босиш керак.Мутриба Хотамий (Тожикистон)
Даяни Даве (Ҳиндистон)
Мариола Возняк (Польша)
Нармин Халафова (Озарбайжон)
Сарвиноз Қурбонбоева (Ўзбекистон)
Айжан Алимбай кизи (Қирғизистон)
Жансая Абдумалик (Қозоғистон)
Дорса Дераҳшоний (Эрон)
Александра Самаганова (Қирғизистон)
Изоҳ (0)