Yaqindagina o‘zbekistonlik grossmeyster Gulruhbegim Tohirjonova Miss Chess CIS so‘rovnomasiga qo‘yilib, yakunda MDHning eng go‘zal shahmatchisi deb topilgandi. Endilikda shu so‘rovnomani o‘tkazgan nashr ikkinchi ishga qo‘l urdi hamda Yevrosiyoning 2017-yildagi eng go‘zal shahmatchisini aniqlashga kirishdi.
Da’vogarlar orasida o‘zbekistonlik Sarvinoz Qurbonboyeva ham bor. Xabar saytga joylanayotgan vaqtda u 93 ta ovoz bilan bilan reytingda beshinchi bo‘lib turgandi. Peshqadamlik esa tojikistonlik Mutriba Xotamiyning qo‘lida. Qo‘shni respublika shahmatchisi hozirga qadar 341 ta ovoz to‘plab ulgurgan.
Shahmatchilar qanday mezonlarga ko‘ra saralab olinayotganiga oydinlik kiritilmagan. MDHning eng go‘zal shahmatchisi bo‘lish uchun kurashda Gulruhbegimdan keyingi ikki o‘rinni egallagan qirg‘izistonlik qizlar bu safar ham so‘rovnomaga kiritilgan.
Miss Chess Eurasia—2017 so‘rovnomasi yakuniga 9 kun vaqt bor. Quyida saralab olingan 9 nafar shahmatchi bilan tanishish mumkin. So‘rovnomada ishtirok etish uchun shu havolani bosish kerak.Mutriba Xotamiy (Tojikiston)
Dayani Dave (Hindiston)
Mariola Voznyak (Polsha)
Narmin Xalafova (Ozarbayjon)
Sarvinoz Qurbonboyeva (O‘zbekiston)
Ayjan Alimbay kizi (Qirg‘iziston)
Jansaya Abdumalik (Qozog‘iston)
Dorsa Derahshoniy (Eron)
Aleksandra Samaganova (Qirg‘iziston)
Izoh (0)