Хитойда туғилиш 2000 йилдан бери энг юқори кўрсаткичга етди. Бу ҳақда Reuters маълум қилди.
2016 йилда мамлакатда 17,6 миллион бола дунёга келди. 2011—2015 йилларда бу кўрсаткич юқоридаги рақамлардан ҳар йили 1,4 миллионга кам эди.
Экспертлар мазкур ижобий динамикани 2015 йилда қонунчиликка киритилган ўзгаришлар билан изоҳламоқда. Хитойда 2016 йил 1 январгача «бир оилага — бир фарзанд» сиёсати амалда эди.
«2020 йилгача мамлакатда туғиш ёшидаги аёллар сони ҳар йили тахминан, 5 миллион кишига камайиши кутилмоқда. Бироқ туғилиш йилига 17—20 миллион чақалоқ даражасида сақлаб қолинишига умид қилмоқдамиз. Шу тариқа 2030 йилга келиб мамлакат аҳолиси сони 1,42 миллиард кишига етиши мумкин», — дея таъкидлади Хитой соғлиқни сақлаш ва оилани режалаштириш миллий комиссияси раҳбарларидан бири Ян Венчжуан.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)