Қаршининг «Насаф» футбол клуби Туркиядаги йиғинини якунлади. Олий лиганинг 2016 йилги мавсумини «Локомотив» ва «Бунёдкор»дан кейин 3-ўринда якунлаган, Ўзбекистон кубогининг эса финалига қадар етиб борган «Насаф» йиғин доирасида 6 та ўртоқлик ўйинида майдонга тушди.
Рақибларнинг барчаси Европа қитъаси вакиллари бўлди. Шулардан 2 таси Озарбайжон клублари бўлса, Кипр, Руминия, Украина ва Қозоғистондан 1 тадан жамоа Қарши клубига рақиблик қилди.
2016 йилги мавсумдан кейин ўзининг бир қатор етакчи футболчиларини бой берган «Насаф» рақибларнинг барчасини мағлуб этишга муваффақ бўлди. Дастлабки 4 та беллашув 1:0 ҳисобларида якунига етган бўлса, кейинги 2 тасида рақиблар «Насаф» дарвозасига йўл топди. Шу билан бирга ўз дарвозасидан 3 тадан гол ҳам ўтказиб юборди.
Қайд этиш керак, «Насаф» бир неча йиллардан буён шаклланиб келаётган таркибнинг бир қатор футболчиларидан воз кечди: Артур Геворкян, Эркин Бойдуллаев, Азамат Алланиязов ва Шуҳрат Муҳаммадиев.
Маълумот учун, «Насаф» Осиё чемпионлар лигасининг плей-офф ўйинларида иштирок этади ва Ўзбекистон клублари орасида биринчилардан бўлиб мавсумни бошлаб беради. Қарши клуби 31 январь куни ўз майдонида Баҳрайннинг «Ал-Ҳидд» клубини қабул қилади.
Изоҳ (0)