2017 йилнинг 20 январь куни Ўзбекистон Республикаси Ташқи ишлар вазири Абдулазиз Камилов Европа Иттифоқининг Марказий Осиё бўйича махсус вакили Питер Бурианни қабул қилди, дея хабар бермоқда ТИВ матбуот хизмати.
ЕХҲТ Ташқи ишлар вазирлари кенгашининг навбатдаги мажлисида иштирок этиш доирасида 2016 йил 9 декабрда бўлиб ўтган музокаралар давоми сифатида, томонлар икки томонлама кун тартибидаги долзарб масалаларни муҳокама қилди.
Ўзбекистон ва Евроиттифоқнинг сиёсий, савдо-иқтисодий, маданий-гуманитар ва бошқа соҳалардаги ҳамкорлигини янада ривожлантириш, шунингдек, Евроиттифоқнинг Марказий Осиё билан янги шериклик стратегияси амалга оширилишининг бориши ва унинг самарадорлигини ошириш истиқболлари ҳақида кўргазмали суҳбат бўлиб ўтди.
Изоҳ (0)