Ўзбекистон Бош вазири ўринбосари Адҳам Икромов 18 январь куни Қирғизистон президенти Алмазбек Атамбаев билан музокаралар ўтказди, деб ёзади UzDaily.
Учрашув чоғида Қирғизистон президенти Қирғизистон ва Ўзбекистон ҳукумат делегациялари томонидан қирғиз-ўзбек чегарасини делимитация ва демаркация қилиш масалаларида томонларни келиштириш бўйича олиб борилаётган биргаликдаги ишлар ҳақида хабардор қилинди.
Томонлар, шунингдек, икки томонлама алоқаларнинг энг устувор соҳаларидаги Ўзбекистон-Қирғизистон ҳамкорлигининг долзарб масалаларини муҳокама қилди.
Алмазбек Атамбаев Қирғизистон ва Ўзбекистон ўртасидаги дўстлик ва аҳил қўшничилик муносабатларини мустаҳкамлаш бўйича чораларни икки томонлама қўллаб-қувватлашдаги ижобий динамикани мамнуният билан қайд этди.
Изоҳ (0)