Акмалхон Ортиқов Наманган вилояти ҳокимининг иқтисодий ислоҳотлар ва тадбиркорлик масалалари бўйича биринчи ўринбосари этиб тайинланди. Бу ҳақда вилоят ҳокимлиги сайтида маълум қилинди.
А. Ортиқов 1980 йилда Наманган вилоятининг Чортоқ туманида туғилган. Тошкент давлат иқтисодиёт университети ва Ўзбекистон Республикаси Президенти ҳузуридаги Давлат ва жамият қурилиши академияси қошидаги Олий бизнес мактабини тамомлаган.
2001—2013 йилларда Ўзбекистон Республикаси молия вазирлиги тизимида, 2013—2015 йилларда Наманган вилоят ҳокимлиги молия бошқармаси, 2015—2017 йилларда Фарғона вилояти ҳокимлиги молия бошқармаси бошлиғи лавозимларида фаолият юритиб келган.
Эслатиб ўтамиз, олдинроқ вилоят, шаҳар ва туман ҳокимликларида ҳокимнинг иқтисодий ислоҳотлар ва тадбиркорлик масалалари бўйича биринчи ўринбосари, шунингдек, ёшлар сиёсати, ижтимоий ривожлантириш ва маънавий-маърифий ишлар бўйича ўринбосари лавозимлари жорий этилгани ҳақида хабар берилганди.
Изоҳ (0)