Қозоғистонда охирги пайтларда давлат сирини ошкор этишда гумон қилиниб, юқори лавозимларда ишлаган 5 киши қўлга олинди. Бу ҳақда «ТАСС» хабар бермоқда.
Мамлакат миллий хавфсизлик қўмитаси (МХҚ) 16 январь, душанба куни президент маъмурияти раҳбарининг собиқ ўринбосари Баглан Майлибаев ҳибсга олинганини маълум қилди. Майлибаев Қозоғистон Жиноят кодексининг «Давлат сирларини ноқонуний йиғиш, тарқатиш ва ошкор этиш» моддасида кўзда тутилган жиноятни содир этишда гумон қилинмоқда. У билан бирга президент маъмурияти ички сиёсат бўлими бошлиғи ўринбосари Николай Галихин ҳам қўлга олинган.
Олдинроқ, ўтган йил декабрида МХҚ юқоридаги ва «Хизмат ваколатларини ошириб юборилиши» моддасига мувофиқ президентнинг собиқ маслаҳатчиси, 2001—2006 йилларда қўмита раиси лавозимини эгаллаган Нортой Дутбаевни қўлга олганди. У билан бирга Нурлан Ҳасан ва Ерлан Нуртаев ҳам мазкур иш доирасида жавоб бермоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)