Жанубий Кореянинг Daewoo ва Hyundai компаниялари Қашқадарё вилоятидаги Талимаржон иссиқлик электростанциясида умумий қуввати 900 мегаватт бўлган икки буғ-газ қурилмасини ишга туширишни якунлади. Бу ҳақда UzDaily хабар бермоқда.
Жами қиймати 1,28 миллиард доллар бўлган мазкур лойиҳани молиялаштириш Осиё тараққиёт банкининг 350 миллион, Япония халқаро тараққиёт агентлигининг (JICA) 300 миллион, Ўзбекистон реконструкция ва тараққиёт фондининг 250 миллион доллар кредити ва «Ўзбекэнерго» АЖ маблағи ҳисобидан амалга оширилди.
Икки янги буғ-газ қурилмаси ишга туширилиши билан Талимаржон ИЭСда электр энергияси ишлаб чиқариш 2,3 баробар кўпайиб, 10,4 миллиард киловатт-соатни ташкил этади.
Ҳозирда 2022 йилгача умумий қуввати 900 мегаватт бўлган яна иккита буғ-газ қурилмасини ишга тушириш ва ИЭСда электр энергияси ишлаб чиқаришни йилига 20,4 миллиард киловатт-соатга етказиш юзасидан лойиҳа ишлаб чиқилмоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)