Сўнгги йилларда бутун дунёда қоғоз ҳужжатлар ўрнини электрон ҳужжат алмашинуви фаол эгаллаб бораётгани ҳеч кимга сир эмас. Мамлакатимиз ҳам бу борада илдам қадам ташламоқда. Сўнгги бир неча йил ичида Ўзбекистон қонунчилигида сезиларли ўзгаришлар юз берди. Хусусан, Солиқ кодексининг 222-моддасига киритилган ўзгартишларга мувофиқ, ҳозирда ҳисоб-фактураларни электрон ҳужжат кўринишида тайёрлашга расман рухсат берилган.
Бундан ташқари, «Бухгалтерия ҳисоби тўғрисида»ги янгиланган қонун электрон ҳисоб ҳужжатларини уларнинг қоғозли муқобилига тенг ҳуқуқли этиб белгилайди ва уларга бир хил юридик куч беради. Турган гапки, ушбу меъёрлар қоғозли ҳужжатларнинг барчасини бўлмаса-да, катта қисмини электрон форматга ўтказиш борасида олдинга дадил қадам ташлаш имконини беради.
Қонунчиликдаги мазкур янгиланишлар Space Online Genesis компаниясини «Faktura.uz» ягона ахборот тизимини ишлаб чиқишга ундади. Ушбу тизим ўз мижозларига электрон ҳужжатларни тайёрлаш, қабул қилиш, юбориш ва етказиб бериш билан боғлиқ ўзига хос имкониятларни тақдим этади.
«Faktura.uz» нимаси билан фойдали?
Биринчидан, ҳужжатларни чоп этишга сарфланаётган ресурслар тежаб қолинади. Ҳар бир ҳисоб-фактура ё шартномани қоғозга чоп этиш шарт эмас — уларнинг электрон варианти бўлса бас.Иккинчидан, ҳужжатларни етказиб бериш учун сарфланаётган вақт тежалади. Ҳужжатларнинг рақамли версияларини юбориш атиги бир неча сония вақт олади ва уларнинг жавобини бир неча соат кутиб ўтиришга ҳожат йўқ. Эҳтимолий хатарлар ҳам камаяди: ҳужжатнинг қоғоз варианти йўқолиб қолиши, ифлос бўлиши ёки шунчаки керакли манзилга етиб бормаслиги мумкин. Унинг электрон версиясини эса доим назорат қилиб туриш мумкин ва у белгиланган нуқтага бир зумда етади.
Учинчидан, электрон ҳужжатларни сақлаш қулай. Электрон архивнинг қоғозлисидан устун экани очиқ-ойдин кўринади: электрон ҳужжатлар тўплами ихчам серверларда сақланади, уларни сақлаш учун ижара ҳақи тўлаш шарт эмас, керакли ҳужжатни тезда излаб топиш мумкин ва, албатта, ҳужжатларнинг хавфсизлиги юқори даражада таъминланади.
Ва ниҳоят, тўртинчидан, инсон ресурслари тежалади. Автоматлаштирилган тизимларда ҳужжатлар билан боғлиқ барча операциялар (саралаш, ҳисоботлар ва бошқалар) бир лаҳзада амалга оширилади ва бухгалтерларни бу операцияларни бажариш бўйича ортиқча машаққатлардан қутқаради. Бундан ташқари, ходимларни ҳужжат етказиб бериш учун жалб қилиш шарт эмас, ўз навбатида, бу умумий самарадорликнинг ошишига сабаб бўлади.
Албатта, юқорида санаб ўтилган устунликлардан ташқари, «Faktura.uz»дан фойдаланиш давомида бошқа кўплаб ютуқли жиҳатларга ҳам эга бўлиш мумкин. Uzcard корпоратив карталари тўлов квитансияларини электрон имзоли шаклини қабул қилиш йўлга қўйилди — бухгалтерлар қоғоз тўлов чекларини йиғиш ва сақлашдан қутулди. Худди шунингдек, тўлов қабул қилиш шохобчалари тўлов терминаллари ҳисоботларини ҳам «Faktura.uz» тизимидан олишлари мумкин. 1C дастури билан ҳам интеграция ишлари амалга ошаяпти. Тизим ҳозирнинг ўзида – ишлаб чиқиш ва татбиқ этиш жараёнидаёқ, бухгалтерия ҳисоби соҳасидаги электрон ҳужжат алмашинуви фойдаланувчиларга ростмана наф келтира олиши аниқ равшан кўриниб турибди.
«Faktura.uz» каби ахборот тизимларининг ишлаб чиқилиши иш жараёнини ташкил этиш бўйича мутлақо янги, самарали модель пайдо бўлаётганини англатади ҳамда вақт, молия ва инсон ресурсларини тежаш, компания олдига қўйилган вазифаларни осон уддалаш имконини беради.
Реклама ҳуқуқи асосида
Изоҳ (0)