Суриянинг Дамашқ вилоятини 1,2 мингдан ортиқ жангари тарк этди. Бу ҳақда Россиянинг томонларни яраштириш маркази бюллетенида маълум қилинди, дея хабар бермоқда «РИА Новости».
Дамашқ вилоятидаги аввал жангарилар назоратида бўлган 9 аҳоли пунктидан иккитаси жанговар ҳаракатларни тўхтатиш тартибига қўшилиш ҳақидаги келишувни имзолади. Қолган 7 таси бундай тартибга қўшилиш истагини билдирди. Мазкур аҳоли пунктларини 1268 нафар жангари тарк этди. Улардан аксарияти тинч ҳаётга қадам қўйди, қолганларига оиласи билан Идлиб вилоятига кетиш имконияти яратиб берилди.Шунингдек, марказ томонидан Сурия расмийлари билан биргаликда жангарилар томонидан яроқсиз ҳолга келтирилган Дамашқ сув таъминотини тиклаш ишлари олиб борилмоқда.Россиянинг томонларни яраштириш маркази
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)