Сербия албанлар томонидан серб аҳолисига таҳдид бўлган тақдирда Косовога қуролли кучларни жўнатади. Бу ҳақда мамлакат президенти Томислав Николич маълум қилди, дея хабар беради «РИА Новости» .
«Агар сербларни ўлдириш бошланса, нафақат армия, барчамиз борамиз. Ўзим биринчи бўлиб отланаман, бу мен учун янгилик эмас», — дея жавоб берди Николич Белграднинг Косовога қуролли кучлар жўнатишга тайёрлиги ҳақидаги саволга жавобан.
Сербия ва Косово ўртасидаги муносабатлар Белграддан мазкур ўлкага 1999 йилдан бери илк бор жўнаган йўловчи поезди Косово албанлари махсус бўлинмалардан фойдаланиш билан таҳдид қилгач, ортга қайтишга мажбур бўлганидан сўнг кескинлашди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)