Тузатиш: Дастлаб самолёт Туркиянинг Turkish Airlines авиакомпаниясига тегишли экани ҳақида ноаниқ ахборот берилган эди, кейинроқ юк самолёти Туркиянинг бошқа — MyCargo Airlines авиаширкатига тегишли экани маълум қилинди.
Самолёт Бишкекнинг «Манас» аэропортидан бир неча километр масофада жойлашган «Дача» қўрғонига қулаган. Қирғизистон Соғлиқни сақлаш вазирлиги ахборотига кўра, ҳодиса оқибатида камида 32 киши ҳалок бўлган.
Ҳалок бўлганлар орасида уч нафар учувчи ҳам борлиги айтилмоқда. Қирғизистон соғлиқни сақлаш вазири Талантбек Ботиралиевнинг қайд этишича, авиаҳалокат оқибатида яна саккиз киши жабрланган, уларнинг баъзилари болалардир.
Қирғизистон ҳукумати томонидан тақдим этилган ахборотга кўра, самолёт қулаши оқибатида «Дача» қўрғонида 15 та уй вайрон бўлган. Ҳодиса жойига мамлакат бош вазири Сўронбой Жеенбеков етиб борган.
Қирғизистон ҳукумати матбуот хизмати раҳбари Тўлгоной Стамалиеванинг «ТASС»га маълум қилишича, ҳалок бўлганлар ва вайрон бўлган уйлар сони бўйича маълумот — «якуний эмас». Унинг сўзларига кўра, бу рақамлар «яқин вақт ичида яна ўзгариши мумкин».
«Интерфакс» ахборотига кўра, авиаҳалокатдан сўнг «Манас» аэропорти парвозлар учун ёпилган. Ҳозирги вақтда Қирғизистоннинг бош ҳаво бандаргоҳи «ҳаво кемаларини қабул қилмаяпти ва қўйиб юбормаяпти».
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)