Марказий Америкадаги жиноятчилик даражаси энг юқори бўлган мамлакатлардан бири Сальвадорда 2015 йил январидан бери биринчи марта сутка давомида бирорта ҳам қотиллик қайд этилмади. Бу ҳақда миллий полиция директори Говард Котто маълум қилди, дея хабар беради TJournal.
Охирги бор қотилликсиз кун 2015 йил 22 январига тўғри келган. Ундан олдин эса 2013 йилда кузатилганди.
2016 йил давомида Сальвадорда суткасига ўртача 14,4 қотиллик рўй берди. Президент Санчес Серен жиноий гуруҳларга қарши кураш бошлаганидан сўнг ўтган йили қотилликлар 20 фоизга пасайди. Полиция ва армия ёрдамида ҳукумат Сальвадорнинг бир неча туманларида назоратни тиклади.
Ўтган йили мамлакатда ҳар 100 минг аҳолига 81 қотиллик тўғри келди. Ўлдирилганлар сони бўича энг юқори кўрсаткич 2015 йилга тегишли: ўшанда ҳар 100 минг аҳолига 104 қотиллик тўғри келган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)