Samsung корпорацияси раҳбари ўринбосари 22 соат давомида сўроқ қилинди

Samsung корпорацияси раҳбари ўринбосари Ли Жэён 22 соат давомида коррупция бўйича иш доирасида сўроқ қилинди. Бу ҳақда Reuters хабар бермоқда.

Ли Жэён мамлакат президенти Пак Кин Хенинг дугонаси Чхве Сун Силга тегишли компанияларга 30 миллиард вон (25,5 миллион доллар) берганликда айбланмоқда. Бунинг эвазига расмийлар корпорациянинг икки шўъба корхонаси бирлашишига рухсат берган.

Терговчилар билан суҳбатдан сўнг Ли Жэён журналистларнинг саволларига жавоб бермади. Прокуратура вакиллари 45 ёшли бизнесменнинг ҳибсга олиниши масаласи кўриб чиқилаётгани, у илгари сурилган айбловларнинг бир қисмини тан олганини билдирмоқда.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.