Бугун,

  • USD 11014.01
  • RUB 191.8
  • EUR 10674.78

Турк лираси янги йилнинг биринчи 10 кунида барча дунё валюталари орасида энг ёмон натижаларни намойиш этди. Бу ҳақда Bloomberg хабар бермоқда.

Фото: Bloomberg

Фото: Bloomberg

Лира курси долларга нисбатан 8,6 фоизга пасайди, ўтган йил якунлари бўйича бу кўрсаткич 17 фоизни ташкил этганди. Шунингдек, олтита савдо сессияси давомида турк валютаси аксилрекордларни ўрнатганди.

Қисман бу ҳолат мамлакат президенти Ражаб Тоййиб Эрдўғон Туркия Марказий банкидан иқтисодий ўсишни қўллаб-қувватлаш чораларини кўришни талаб қилиши ва бу лиранинг янада заифлашувига олиб келишидан хавфсираш туфайли юз берди. Бундай чоралар зарурати 7 йил мобайнида илк бор Туркия ялпи ички маҳсулоти пасайиши билан боғлиқ.

Мамлакатда инфляция жадаллашиб, декабрда йил якунлари бўйича 8,53 фоиздан иборат бўлди. Марказий банк режаси эса 3,5 фоизни ташкил этганди. Қолаверса, Туркия тўлов баланси дефицитига эга бўлиб, ушбу кўрсаткич йил якуни бўйича ЯИМнинг 5 фоизи атрофида бўлиши мумкин.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.

Изоҳ
Асосий янгиликлар