Венесуэланинг янги вице-президенти Тарек Эл-Айссами бўлди. Бу ҳақда давлат раҳбари Николас Мадуро эълон қилди, деб ёзади «Интерфакс».
«Мен Тарек Эл-Айссамини республиканинг амалдаги вице-президенти этиб тайинладим», — деди у вазирлар маҳкамасининг интерактив мажлисида.
Ушбу чора Мадуро мухолифат парламенти талаби билан истеъфога чиқишга мажбур бўлиб қолган тақдирда, янги вице-президент давлатни бошқара олиши учун кўрилди.
Мамлакатдаги вазият инфляциянинг тез ўсиб бориши, нефтнинг жаҳон нархлари тушиши, шунингдек қонун чиқарувчи ва ижро этувчи ҳокимиятлар ўртасидаги низо туфайли юзага келган сиёсий инқироз сабабли ёмонлашишда давом этмоқда.
Изоҳ (0)