2016 йил якунларига кўра «Олтин тўп» соврини билан тақдирланган Криштиану Роналду, сўнгги бир йил давомида халқаро ўйинларда 24 та гол уришга муваффақ бўлди. Бу ҳақда «Чемпионат» Футбол тарихи ва статистикаси халқаро федерацияси (IFFHS) га асосланиб хабар берди.
Футболчиларнинг ички чемпионат ва кубок беллашувларида урган голлари бунда инобатга олинмаган ва фақатгина халқаро ўйинларга эътибор қаратилган. Криштиану Роналду Португалия терма жамоасининг Евро—2016 циклида ва ЖЧ—2018 саралаши давомида 13 та голини ўз ҳисобига ёзиб қўйган. «Реал»нинг чемпионлар лигасидаги ўйинларида эса 2016 йил ҳисобидан 11 та гол урган.
Рўйхатда иккинчи бўлиб Лионель Месси турибди. Ҳужумчи Аргентина терма жамоаси сафида 8 та, «Барселона»нинг чемпионлар лигаси доирасидаги ўйинларида эса 13 та гол урди. Кучли учлик «ПСЖ»нинг уругвайлик ҳужумчиси Эдинсон Кавани томонидан якунланган.
Изоҳ (0)