2016-yil yakunlariga ko‘ra “Oltin to‘p” sovrini bilan taqdirlangan Krishtianu Ronaldu, so‘nggi bir yil davomida xalqaro o‘yinlarda 24 ta gol urishga muvaffaq bo‘ldi. Bu haqda “Chempionat” Futbol tarixi va statistikasi xalqaro federatsiyasi (IFFHS) ga asoslanib xabar berdi.
Futbolchilarning ichki chempionat va kubok bellashuvlarida urgan gollari bunda inobatga olinmagan va faqatgina xalqaro o‘yinlarga e’tibor qaratilgan. Krishtianu Ronaldu Portugaliya terma jamoasining Yevro—2016 siklida va JCh—2018 saralashi davomida 13 ta golini o‘z hisobiga yozib qo‘ygan. “Real”ning chempionlar ligasidagi o‘yinlarida esa 2016-yil hisobidan 11 ta gol urgan.
Ro‘yxatda ikkinchi bo‘lib Lionel Messi turibdi. Hujumchi Argentina terma jamoasi safida 8 ta, “Barselona”ning chempionlar ligasi doirasidagi o‘yinlarida esa 13 ta gol urdi. Kuchli uchlik “PSJ”ning urugvaylik hujumchisi Edinson Kavani tomonidan yakunlangan.
Izoh (0)