«Роснефть» давлат корпорациясининг 61 ёшли ходими Олег Еровкиннинг жасади 26 декабрь куни Москва шаҳри марказида топилди. Бу ҳақда TJournal хабар бермоқда.
Еровкиннинг танаси машина ичида топилди. У юрак хуружи боис машина ичида вафот этгани айтилмоқда.
Еровкин илгари КГБда, сўнг Россия президенти маъмуриятида хизмат қилган. 2008 йил майида ўша пайтдаги мамлакат бош вазири Владимир Путин уни ҳукумат раисининг ўринбосари Игорь Сечин котибиятининг раҳбари этиб тайинлаган эди.
Компания вакиллари топ-менежернинг ўлимини тасдиқлади. «Роснефть» матбуот котиби Михаил Леонтьев Life нашрига берган изоҳида ўлимга юрак билан боғлиқ муаммолар сабаб бўлгани ҳақидаги тахминни айтиб ўтди.
Изоҳ (0)