“Rosneft” davlat korporatsiyasining 61 yoshli xodimi Oleg Yerovkinning jasadi 26-dekabr kuni Moskva shahri markazida topildi. Bu haqda TJournal xabar bermoqda.
Yerovkinning tanasi mashina ichida topildi. U yurak xuruji bois mashina ichida vafot etgani aytilmoqda.
Yerovkin ilgari KGBda, so‘ng Rossiya prezidenti ma’muriyatida xizmat qilgan. 2008-yil mayida o‘sha paytdagi mamlakat bosh vaziri Vladimir Putin uni hukumat raisining o‘rinbosari Igor Sechin kotibiyatining rahbari etib tayinlagan edi.
Kompaniya vakillari top-menejerning o‘limini tasdiqladi. “Rosneft” matbuot kotibi Mixail Leontyev Life nashriga bergan izohida o‘limga yurak bilan bog‘liq muammolar sabab bo‘lgani haqidagi taxminni aytib o‘tdi.
Izoh (0)