АҚШда Техас штатидан сенатор, республикачи Тед Круз Хавфсизлик Кенгашининг Исроилга қарши резолюциясидан кейин БМТни молиялаштиришни тўхтатишни таклиф қилди, деб ёзади «Корреспондент.net».
«Қарор қайта кўриб чиқилмагунича, БМТ учун ҳеч қандай америкача молиялаштириш йўқ», — дея сенатор Исроил бош вазири Биньямин Нетаньяхуни ишонтирди.
Шунингдек, Крузнинг таъкидлашича, сенатор Линдси Грэхем ва АҚШнинг сайланган президенти Дональд Трамп биргаликда «БМТнинг Америка томонидан молиялаштирилишини сезиларли равишда қисқартириш ёки бутунлай тўхтатиш, шунингдек, ушбу резолюцияни қўллаб-қувватлаган давлатлар учун молиявий кўмакни жиддий тарзда қайта кўриб чиқиш» устида ишлайди.
Круз, бундан ташқари, Исроил бош вазирини БМТ Хавфсизлик Кенгашининг Исроилнинг сургун қилиш сиёсати борасидаги резолюцияси АҚШнинг ташқи сиёсий йўналишларига тўғри келмаслигига ишонтирди.
Сенаторнинг фикрича, ушбу жараёнда иштирок этиб, резолюцияни қўллаб-қувватлаган амалдорлар ва дипломатларнинг барчаси зудлик билан истеъфога чиқиши шарт.
БМТ Хавфсизлик Кенгаши 23 декабрь куни кўпчилик овоз билан қабул қилган резолюция Исроилдан Фаластиннинг оккупация қилинган ҳудудларида манзилгоҳлар қуриб, у ерга яҳудийларни кўчириш хатти-ҳаракатларини зудлик билан тўхтатишни талаб қилади.
Изоҳ (0)