Сурияга парвоз вақтида авиаҳалокатга учраган Ту-154 самолёти қулаган ҳудудда омон қолганлар кўринмаяпти. Бу ҳақда, Россия Мудофаа вазирлигига асосланиб, «РБК» хабар бермоқда.
«Ту-154 самолёти авиаҳалокатга учраган ҳудуд белгиланди. Омон қолганлар кузатилмади», — дейилади вазирлик ахборотида.
Аввалроқ вазирлик қутқарувчилар тўрт нафар қурбонни аниқлангани ва уларнинг жасадларини сувдан олиб чиққани ҳақида ахборот берган эди. Қулаган самолёт бортида жами 92 киши бўлган.
Россия Мудофаа вазирлигининг Ту-154 самолёти 25 декабрь тонгида Сочида қайта ёнилғи олганидан сўнг, Қора денгизга қулади. Самолёт Москва вилоятидаги Чкаловский аэродромидан Сурияга учаётган эди.Йўловчиларнинг аксарияти Александров номидаги ашула ва рақс ансамбли аъзолари бўлган. Бортда, шунингдек, Россия «Биринчи канали», «NTV» ва «Звезда» телеканалларининг тасвирга олиш гуруҳлари ҳам бўлган.
Россия Мудофаа вазирлигидан маълум қилишларича, самолётда «Адолатли ёрдам» жамғармаси ижрочи директори Елизавета Глинка (Доктор Лиза) ҳам бўлган.
Авиаҳалокат муносабати билан Россия президенти Владимир Путин қурбонларнинг қариндошлари ва яқинларига ҳамдардлик билдирди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)