Интернетда Ту-154 самолёти қулаган Қора денгиз ҳудудида қидирув ишлари қандай олиб борилаётгани акс этган видео пайдо бўлди. «РБК»нинг ёзишича, видео «Дождь» телеканали томонидан эълон қилинган.
Видеода денгизда кемалар тургани, ҳавода камида битта вертолёт учаётганини кўриш мумкин. Видео дастлаб «Блог Сочи» порталида эълон қилинган. Видео муаллифи уни Адлердан Сочига поездда қатнаш вақтида олган.
Бошқа видеолар
Россия Мудофаа вазирлигининг Ту-154 самолёти 25 декабрь тонгида Сочида қайта ёнилғи олганидан сўнг, Қора денгизга қулади. Самолёт Москва вилоятидан Сурияга учаётган эди.
Самолёт бортида 92 киши бўлган. Йўловчиларнинг аксарияти Александров номидаги ашула ва рақс ансамбли аъзолари бўлган. Бортда, шунингдек, тўққиз нафар журналист ҳамда шифокор ва филантроп Елизавета Глинка (Доктор Лиза) ҳам бўлган.
Авиаҳалокат муносабати билан Россия президенти Владимир Путин Ту-154 қурбонларининг оила аъзолари ва яқинларига ҳамдардлик билдирди, шунингдек, 26-декбарни Россияда умуммиллий мотам куни деб эълон қилди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)