Россия Сайёралар ҳимояси маркази бош директори Анатолий Зайцев Ернинг улкан астероид ёки комета билан тўқнашуви муқаррар эканлигини айтди. Бу ҳақда у ҳаво-космик соҳа масалалари бўйича анжуманда айтиб ўтди, деб ёзади «Интерфакс».
«Ўтган йили ерликларга хийлагина омад кулиб боқди, чунки 600 метрли Хэллоуин астероиди билан тўқнашув юз бермади, у 31 октябрь куни Ерга яқинлашишидан 20 кун олдингина аниқланган эди, — деди Зайцев. — Бундай фалокат ҳар қандай лаҳзада юз бериши мумкин». Шу сабабли у ҳимоя чоралари ишлаб чиқилиши керак, деб ҳисоблайди.
Зайцевнинг сўзларига кўра, ўтган 20 йил ичида Ер атмосферасига 556 та «йирик тошлар» кирган, уларнинг ҳажми ўнлаб метрга етган. Унинг қўшимча қилишича, бу аниқлаш ва олдини олиш мумкин бўлган ягона табиий хавфдир.
Изоҳ (0)