БМТ бош котиби Пан Ги Мун Жанубий Кореядаги муддатидан олдин президентлик сайловларида иштирок этиши мумкин. Бу ҳақда у 21 декабрь, чоршанба куни Нью-Йоркда, Жанубий кореялик журналистлар билан учрашуви чоғида маълум қилди, дея хабар беради «ТАСС».
«Агар БМТ бош котиби лавозимидаги 10 йиллик тажрибам Жанубий Кореяни ривожлантиришга ёрдам берса, бу мақсадга эришиш учун ўзимни қурбон қилишга тайёрман. Президентлик сайловида иштирок этиш масаласида мамлакат фуқароларининг фикрини билгандан сўнг узил-кесил бир тўхтамга келаман», — дея таъкидлади Пан Ги Мун.
Шунингдек, Пан Ги Мун 31 декабрда лавозимини тарк этганидан сўнг келгуси йил январи ўрталарида Сеулга қайтиш ниятида эканлигини маълум қилди.
Жанубий Кореянинг амалдаги президенти Пак Кин Хени лавозимидан четлатиш жараёни парламентдаги импичмент бўйича овоз бериш натижалари Конституциявий суд томонидан тасдиқланганидан сўнг якунига етади. Буни 6 ой мобайнида амалга ошириши лозим бўлган суд парламент қарорини тасдиқласа, мамлакатда муддатидан олдин президентлик сайловлари ўтказилади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)