БМТ бош котиби Трамп иқлим бўйича Париж битимининг муҳимлигини англашига умид қилмоқда

БМТ бош котиби Пан Ги Мун Дональд Трамп иқлим бўйича Париж битимининг муҳимлигини англашига ва АҚШ президенти лавозимида мамлакатнинг ушбу халқаро шартномадан чиқиб кетишига интилмаслигига умид қилмоқда. Бу ҳақда у БМТ бош қароргоҳида россиялик журналистларга берган интервьюсида маълум қилди, деб ёзади «ТАСС».

Пан Ги Мун 11 ноябрь куни Дональд Трампга қўнғироқ қилиб, уни сайловлардаги ғалабаси билан табриклагани ва долзарб масалаларни, шу жумладан, Париж битимини муҳокама қилганини эслатди. Бош котиб сўзларига кўра, у сайланган президент шартноманинг АҚШ томонидан ратификациясини бекор қилиши хавфидан хабардор, аммо шу билан бирга, америкалик дипломатнинг у «очиқ фикрлаши» ҳақидаги сўзларини эътиборга олган ва бу борада узил-кесил бир қарорга келмаган.

Пан Ги Мун ҳужжат матнини тайёрлашда мамлакатлар ҳукуматларидан ташқари, бизнес ва фуқаролик жамияти вакиллари ҳам қатнашганини таъкидлади. «Уларнинг уч томонлама шериклиги ва ўзларига олган мажбуриятлари иқлим бўйича ушбу келишувни рўёбга чиқарди. Умид қиламанки, сайланган президент Дональд Трамп бу жараённи орқага қайтариб бўлмаслигини англайди; мен шундай деб ҳисоблайман», — деди у.