Москвада Россия ташқи ишлар вазирлиги Лотин Америкаси департаменти бўлим бошлиғи Пётр Польшиковнинг ўлиги топилди. Бошидан ўқ еган мансабдорнинг жасади унинг квартирасида аниқланган, дея хабар беради «Корреспондент.net».
Ҳодиса жойида травматик тўппончанинг икки гилбзаси топилди, тўппончанинг ўзи ошхонада раковина остида ётганди. Квартирада марҳумнинг турмуш ўртоғи бўлган.
Полиция икки тахмин — қотиллик ва ўз жонига қасд этишни кўриб чиқмоқда. Россия ташқи сиёсий маҳкамаси ҳозирча мазкур маълумотни тасдиқламади.
Эслатиб ўтамиз, олдинроқ Анқарада Россиянинг Туркиядаги элчиси Андрей Карлов ўлдирилгани ҳақида хабар берилганди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)