Қирғизистоннинг Туркиядаги элчиси Иброҳим Жунусов зарур бўлса, Россиянинг Туркиядаги элчиси Андрей Карловнинг ўлими тўғрисидаги иш бўйича кўрсатмалар беришга тайёр. Бу ҳақда Жунусов Қирғизистоннинг «24» ахборот агентлигига маълум қилди, деб ёзади «ТАСС».
«Агар керак бўлса, Россиянинг Туркиядаги элчиси ўлими бўйича барча зарур кўрсатмаларни бераман», — деди қирғизистонлик дипломат. Унинг сўзларига кўра, қуролли ҳужум чоғида у ва унинг россиялик ҳамкасби Анқарадаги кўргазманинг очилиш маросимида бўлган. «Кўргазма Россияга бағишланган. Туркиялик фоторассомлар ўзларининг ушбу мамлакатга нигоҳини кўрсатиб берди», — деди Қирғизистон элчиси.
Дипломатнинг сўзларига кўра, ўқ узиш бошланганда маросимдаги барча иштирокчилар ерга ётган. «Террорчи отаверди, отаверди ва ‘Оллоҳу акбар!’ деб бақирди. У бутун ўқдонни тугатди», — деди Жунусов.
У, шунингдек, кўргазма очилишида террорчи одамларнинг асосий гуруҳи орқа томонида турганини таъкидлади. «Унинг пиджаги қайтарма ёқасида махсус нишонча бор эди, шунинг учун биз уни соқчи деб ўйладик», — деди элчи.
Эслатиб ўтамиз, Анқарадаги Замонавий санъатлар марказида расм кўргазмаси очилиш маросимида Россиянинг Туркиядаги элчиси Андрей Карловга суиқасд уюштирилди.
Изоҳ (0)