Америкалик таниқли шоумен Жимми Киммел Лос-Анжелеснинг KROQ радиостанциясига берган интервьюсида «Оскар» мукофотининг 89-тақдимотида бошловчилик қилиши учун 15 минг доллар миқдорида гонорар олишини маълум қилди. Бу ҳақда TJournal хабар бермоқда.
«Тушунишим бўйича, умуман пул тўламаслик қонунга зид бўлса керак», — дея ҳазил қилди таниқли телебошловчи.
Унинг қўшимча қилишича, гонорари миқдорини ошкор қилишни унга «ҳеч ким тақиқламаган», шунинг учун ҳам у буни оммага маълум қилган.
«Оскар—2017» тақдимотида Жимми Киммел бошловчилик қилиши 2016 йил 6 декабрь куни маълум бўлган эди.
2016 йилги тақдимотда сўз устаси Крис Рок бошловчилик қилганди, Киммелга бу вазифа биринчи марта ишониб топширилмоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)