Россия Қорбобоси Великий Устюг шаҳрида қўним топганидан бери болалар ва катталардан 3 миллиондан ортиқ мактуб олди. Бу ҳақда унинг ўзи Ставрополдаги матбуот анжумани чоғида маълум қилди, дея хабар беради «ТАСС».
«Мен ҳар куни қоплаб хат оламан. Электрон почтамга болалардан 20 мингта мактуб келди. Великий Устюгга жойлашганимдан бери олган хатларим сони 3 миллиондан ошиб кетди», — дейди Қорбобо.
«Великий Устюг — Қорбобо ватани» лойиҳаси 1998 йилдан бери амалга оширилмоқда. Эртак қаҳрамонининг Вологодская вилоятидаги манзилига шу пайтгача юз минглаб болалар ва катталар келди. 2016 йили Қорбобо 40 дан ортиқ шаҳарга боришни режалаштирган, Ставрополь бу жадвалдаги 14-шаҳар бўлди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)