Mercedes-Benz компанияси ташқи кўриниши дизайни ва интерьери элементлари акс этган янги авлод E-Class купеси видеотизерини эълон қилди. Автомобиль тўлиқ шу йил декабрида ошкор этилади, унинг омма олдидаги намойиши эса Детройтда январда ўтказиладиган моторшоуда бўлиб ўтади. Бу ҳақда Motor хабар бермоқда.
Бельгиянинг AutoTijd сайти тизер ортидан Avantgarde ва AMG Line модификацияларидаги автомобиллар кўрсатилган E-Class купеси скриншотларини чоп этди. Мазкур суратлардан модель пневматик подвеска, 1450-ватт ва 23 та динамикли Бурместер аудиотизими, седандан бошқача безатилган ва ўзгача дефлекторли марказий консолга эга бўлишини кўриш мумкин.
Икки эшикли автомобиль учта — 184, 245 ва 333 от кучига эга бензинли моторлар билан, шунингдек, 194 от кучига эга дизель двигатели билан жиҳозланади. Барча модификацияларда тўққиз босқичли автоматик узатиш қутиси бўлади. Тўлиқ узатма фақат V6 ли «топ» вариантлар учун кўзда тутилган.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)