Германиянинг Lufthansa авиакомпанияси самолёти портлаш хавфи туфайли Нью-Йорк аэропортида шошилинч қўнишни амалга оширди. Бу ҳақда ABC News хабар бермоқда.
Лайнер ҳаво қўналғаси четидаги тураргоҳга етказилди, барча йўловчилар ва экипаж аъзолари эвакуация қилинди. Махсус хизматлар ходимлари портловчи моддалар бор-йўқлигини аниқлаш учун бортни синчиклаб кўздан кечирмоқда.
Ҳаво кемаси командири ердаги хизматлар билан келишган ҳолда, авиакомпания офисларидан бирига номаълум кимса бортга портловчи қурилма жойлаштирилгани ҳақида қўнғироқ қилганидан сўнг парвозни тўхтатиш тўғрисида қарор қабул қилди.
Маълумот учун, дунёдаги энг йирик йўловчи самолёти бўлган Airbus A380 Хьюстондан Франкфурт-Майнга йўл олган, унинг бортида 530 киши бор эди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)