Россиянинг The New Times журнали сотувга чиқмайдиган бўлди. Бу ҳақда Meduza хабар бермоқда.
Нашр бош муҳаррири Евгения Альбац харажатларни камайтириш учун шундай қарор қабул қилинганини билдирди. Унинг айтишича, бироз вақт журнал фақат вокзал ва аэропортлардаги матбуот дўконларида қолади.
«Обуна сиз ўрганиб қолган журнални ўқишнинг ягона имконияти бўлиб қолмоқда. Мен ўқувчиларимизга обунани расмийлаштиришни таклиф этаман. Ҳозиргача тўпланган маблағ редакцияга ҳатто 2017 йил баҳоригача ҳам етмайди», — дея нолиди Альбац. Бироқ муҳаррир нашрнинг ҳозиргача қанча обуначи тўплаганига аниқлик киритмади.
Маълумот учун, The New Times 2007 йилдан бери чоп этилади. 2016 йил августида молиявий муаммолар туфайли 8 йилдан бери ҳамкорлик қилиб келаётган босмахона журнални чоп этишдан бош тортгани маълум қилинганди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.