АҚШ ҳукуматининг маълумотига кўра, Чарльстондаги (Жанубий Каролина штати) методистлар черковининг тўққиз нафар қора танли диндорини ўлдирган Дилан Руф сўров жараёнида жиноятни содир этганлигини тан олди. Бу ҳақда CNN телекомпанияси маълум қилди, деб ёзади «ТАСС».
Руф Чарльстондаги черковга бориб, бино ичкарисидаги кишиларга қарата ўқ узганлигини тан олди. Яна бир тушунтиришида эса юз берган ҳодиса ҳақида бошқа афроамерикаликларга сўзлаб бериши учун диндорлардан бирини тирик қолдирмоқчи бўлганлигини маълум қилди.
«Кимдир буни амалга ошириши керак эди», — деди Руф жинояти ҳақида сўз юрита туриб.
У, шунингдек, оқ ирқ устунлиги ғояси тарафдори эканлигини тасдиқлади.
АҚШ Федерал ҳуқуқни муҳофаза қилиш органлари томонидан Руфга нисбатан 33 та банд бўйича айблов илгари сурилди.
Изоҳ (0)