Швеций қироли Карл XVI Густав 10 декабрь, шанба куни Стокгольм филармониясида тиббиёт, физика, кимё ва иқтисодиёт бўйича 2016 йилги Нобель мукофотларини топширди, деб ёзади «ТАСС». Дунёдаги энг нуфузли мукофотнинг тўққиз нафар лауреати қиролнинг қўлидан дипломлар ва олтин медалларни қабул қилиб олди.
Физиология ва тиббиёт соҳасида япониялик профессор Ёсинори Осуми аутофагия механизми — тирик организмлардаги ҳужайраларининг ўз-ўзини тозалаш табиий процессини кашф қилгани учун тақдирланди.
«Физика» бўлимида эса АҚШ ва британиялик уч нафар олим «топологик фазали ўтишлар ва материянинг топологик фазаларини назарий жиҳатдан кашф қилгани учун» Нобель билан мукофотланди.
Кимё соҳасида молекуляр машиналарни лойиҳалаштирган ва синтезлаган бир гуруҳ олимлар мукофотга эга чиқди.
Адабиёт соҳасидаги Нобель совриндори Дилан, аввал хабар берилганидек, маросимда иштирок этмади, аммо унинг шарафига олқишлар янгради, америкалик қўшиқчи ва шоира Патти Смит эса унинг A Hard Rain's a-Gonna Fall қўшиғини куйлади.
Изоҳ (0)