Бугун,

  • USD 11095.31
  • RUB 173.84
  • EUR 10772.44

БМТ бош котиби Пан Ги Мун Истанбулда содир этилган ва ўнлаб киши қурбон бўлган қўш терактни қоралади. Бу ҳақда «ТАСС» хабар бермоқда.

Фото: EPA

Фото: EPA

«БМТ бош котиби қурбонларнинг оиласи, Туркия халқи ва ҳукуматига чуқур ҳамдардлик билдиради. Шунингдек, яраланганлар тезроқ оёққа туришини тилаб қолади. У мазкур терактни уюштирганлар тезда аниқланиши ва жавобгарликка тортилишига умид қилади», — дейилади коммюникеда.

Портлашлар Истанбулда маҳаллий вақт билан 10 декабрь, шанба куни тахминан 22:30 да (Тошкент вақти билан 11 декабрь 00:30 да) Vodafone Arena стадионининг шимоли-ғарбий девори ёнидан ўтган йўлда ҳамда арена яқинидаги боғда юз берди. Йўлда полиция махсус топшириқли бўлинмалари ўтирган автобус яқинида портловчи моддалар билан тўлдирилган машина портлатиб юборилди. Бир неча сониядан сўнг боққа худкуш террорчи ҳужум қилди.

Сўнгги маълумотларга кўра, қурбонлар сони 29 кишини ташкил қилди, уларнинг 27 нафари ҳуқуқ-тартибот органлари ходимларидир. 166 киши жароҳатланди, уларнинг кўпчилиги оғир аҳволда.

Туркия ички ишлар вазири терактни ташкил қилишга алоқадорликда гумонланиб 10 киши ҳибсга олинганини билдирди. Мамлакатда миллий мотам эълон қилинди.

Изоҳ
Асосий янгиликлар
Дунё
“Афғон халқининг сабри билан ўйнашманг” — “Толибон” қўмондонларидан бири Эронни босиб олиш билан таҳдид қилди  
Дунё
Хитойда қайта авж олиши кутилаётган ковид, 3 марта сайланган Эрдўғон, бир ойдан бери намойиш ўтказаётган ҳинд спортчилари — 29 май суратлари
Маҳаллий
Ўзбекистонда доллар курси ошди