Шимолий Корея ядровий зарядни баллистик ракеталарга ўрнатиш учун кичрайтиришга муваффақ бўлганга ўхшайди. Бу ҳақда Reuters АҚШ ҳарбий доираларининг юқори мансабли вакилига таяниб хабар берди, деб ёзади «Ведомости».
«Улар жанговар каллакни етказиб бериш воситасига бириктира олади, деб ўйлайман. Улар ракетанинг бош қисми ишончли эканига амин эмас, холос», — деди у. Пхеньян ядровий жанговар каллакни баллистик ракетага ўрната олиш-олмаслиги ҳақидаги аниқлаштирувчи саволга жавобан, Пентагон амалдори: «Ўйлашимча, ҳа, ўрната олади», — деди.
Шу муносабат билан Пентагон КХДР томонидан берилиши мумкин бўлган ядро зарбаси эҳтимоли юзасидан ўз режаларини қайта кўриб чиқишда давом этмоқда. «Биз барча эҳтимолий вариантларга тайёрланмоқдамиз, чунки Пхеньяннинг хатти-ҳаракатлари жуда, жуда, жуда провокацион», — дея таъкидлади Reuters манбаси.
Изоҳ (0)