Shimoliy Koreya yadroviy zaryadni ballistik raketalarga o‘rnatish uchun kichraytirishga muvaffaq bo‘lganga o‘xshaydi. Bu haqda Reuters AQSh harbiy doiralarining yuqori mansabli vakiliga tayanib xabar berdi, deb yozadi “Vedomosti”.
“Ular jangovar kallakni yetkazib berish vositasiga biriktira oladi, deb o‘ylayman. Ular raketaning bosh qismi ishonchli ekaniga amin emas, xolos”, — dedi u. Pxenyan yadroviy jangovar kallakni ballistik raketaga o‘rnata olish-olmasligi haqidagi aniqlashtiruvchi savolga javoban, Pentagon amaldori: “O‘ylashimcha, ha, o‘rnata oladi”, — dedi.
Shu munosabat bilan Pentagon KXDR tomonidan berilishi mumkin bo‘lgan yadro zarbasi ehtimoli yuzasidan o‘z rejalarini qayta ko‘rib chiqishda davom etmoqda. “Biz barcha ehtimoliy variantlarga tayyorlanmoqdamiz, chunki Pxenyanning xatti-harakatlari juda, juda, juda provokatsion”, — deya ta’kidladi Reuters manbasi.
Izoh (0)