«Миллий тикланиш» демократик партиясидан Ўзбекистон Президентлигига номзод бўлган Сарвар Отамуратов сайлов натижаларини тан олди. Бу ҳақда «Дарё» мухбири Мадина Нурман Сайловни ёритиш бўйича Республика матбуот марказидан маълум қилди.
Сарвар Отамуратов 4 декабрь куни бўлиб ўтган Ўзбекистон Президенти сайлови «Ватанимиз тарихида қолиши шак-шубҳасиз» эканини айтиб ўтди.
«Сайлов кампанияси даврида менга яқиндан ёрдам берган сайлов штабининг барча аъзолари ва фаолларига, сайловолди учрашувларида иштирок этган юртдошларимизга ва, энг муҳими, мен учун овоз берган сайловчиларга ўзимнинг чуқур миннатдорчилигимни билдирмоқчиман», — деди Сарвар Отамуратов.
«Сайловда ЎзЛиДеПдан Ўзбекистон Президенти лавозимига сайланган Шавкат Мирзиёевнинг ғалабасини тан оламиз ва чин дилдан қутлаб, у кишининг юксак лавозимдаги фаолиятларига муваффақият тилаймиз», — дея қўшимча қилди Отамуратов.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)