Мустақил Давлатлар Ҳамдўстлиги (МДҲ) кузатувчилар миссияси вакиллари Ўзбекистон Президенти сайлови маҳаллий ва халқаро қонунчилик меъёрлари асосида, очиқ ва демократик руҳда кечганини маълум қилди. Бу ҳақда «Дарё» мухбири хабар бермоқда.
«Бизнинг миссиямиз Ўзбекистон Президенти сайлови Республика қонунлари ва халқаро меъёрлар асосида ўтказилганини маълум қилади», — дейди МДҲ кузатувчилари раиси Сергей Лебедев.
Миссия томонидан миллий қонунчилик тизими ҳамда нормаларга зид келувчи қоидабузарликлар қайд этилмагани, юзага келган кичик ҳолатлар бўйича сайлов участкалари ва округларида ўз вақтида чора кўрилгани таъкидланди.
Кузатувчилар мазкур демократик жараён Ўзбекистоннинг кейинги тараққиёт йўлидаги муҳим қадам эканлигини, давлатда мавжуд янгиланиш жараёнларида фуқароларнинг мана шундай сиёсий фаоллиги , ўз фуқаролик позициясини тўла англаб етган ҳолда сайловларда иштирок этиши жамиятнинг барча қатламларида ҳуқуқий-сиёсий саводхонлик даражасини юксалтиришда муҳим рол ўйнашини қўчимча қилди.
Брифинг давомида МДҲ миссиясининг Беларусь Республикасидан тайинланган вакили Лидия Ермошина 2000 йилдан буён Ўзбекистондаги сиёсий жараёнлар, қонунчилик билан яқиндан таниш эканлиги, аммо бу йилги сайлов кампанияси ҳамда унинг атрофида олиб борилган ишлар ҳақиқатан ҳам аввалгиларига нисбатан анчагина янги, ўзига хос эътирофга лойиқлигини маълум қилди.
Изоҳ (0)