4 декабрь куни бўлиб ўтган Президент сайловида Ўзбекистон Халқ демократик партиясидан номзод сифатида иштирок этган Ҳотамжон Кетмонов Шавкат Мирзиёевни ғалаба билан табриклади. Бу ҳақда «Дарё» мухбири Мадина Нурман маълум қилди.
«Аввало, Ўзбекистон Халқ демократик партияси Марказий сайлов комиссияси томонидан эълон қилинган сайлов натижаларини тан олади», — деди сайловнинг дастлабки якунларига кўра, сайловчиларнинг 3,73 фоиз овозини қўлга киритган Ҳотамжон Кетмонов.
«Бу жараёнда ғолиб бўлган ЎзЛиДеПдан Президентликка номзод Шавкат Мирзиёевни табриклаймиз. У кишига юрт тинчлиги, Ватан равнақи, халқ фаровонлиги йўлидаги фаолиятларига муваффақиятлар тилаймиз», — дея қўшимча қилди Ҳотамжон Кетмонов.
Ҳотамжон Кетмонов сайловда уни қўллаб-қувватлаб овоз берган сайловчиларга, шунингдек, партия тарафдорларига миннатдорчилик билдирди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)