Россия президенти Владимир Путин 5 декабрь, душанба куни бўлиб ўтган телефон суҳбати вақтида Ўзбекистон Президенти этиб сайланган Шавкат Мирзиёевни табриклади. Бу ҳақда Кремль матбуот хизмати хабар бермоқда.
Россия давлат раҳбари Шавкат Мирзиёевни Ўзбекистон Президенти сайловидаги ишончли ғалаба билан қизғин табриклади ва унинг олий давлат лавозимидаги фаолиятига муваффақиятлар тилади.
Томонлар Ўзбекистон—Россия иттифоқчилик ва стратегик ҳамкорлик муносабатларини бундан кейин ҳам янада мустаҳкамлаш, шунингдек, турли соҳалардаги ўзаро манфаатли ҳамкорлик алоқаларини кенгайтириш истагини билдирди.
Владимир Путин Шавкат Мирзиёевни расмий ташриф билан Россияга келишга таклиф қилди. Кремль матбуот хизматининг қайд этишича, мазкур таклиф миннатдорлик билан қабул қилинган.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)