«Ҳизбуллоҳ» партияси фотомухбири Алеппода ҳалок бўлди

Ливаннинг «Ҳизбуллоҳ» партияси фотомухбири Ҳасан Шариф Жазза Алеппода ҳалок бўлди. Бу ҳақда «ТАСС» хабар бермоқда.

SANA агентлигига кўра, фотомухбир шаҳар жануби-шарқидаги Шайх Саид манзилида ҳукумат кучлари жангчиларининг ҳарбий операциясидан лавҳалар тасвирга тушираётганда ўлимга олиб келган жароҳат олди. Мазкур ҳудудда қўшинлар ва кўнгиллиларнинг қуролли гуруҳлар билан ашаддий тўқнашувлари бўлиб ўтмоқда.

Ҳасан Шариф Жазза Алеппони жангарилардан озод қилиш бўйича операция бошланганидан бери фронтнинг олдинги чизиғидан фоторепортажлар туркумини тайёрлаганди. У вакиллари Сурия армияси томонида жанг қилаётган «Ҳизбуллоҳ» партияси оператив штаби ихтиёрида бўлган.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.