АҚШнинг янги сайланган президенти Дональд Трамп ўз инаугурациясидан сўнг қандайдир хавф тўғрисида огоҳлантиришлардан иборат матнли хабарларни америкаликларнинг смартфонларига юбориш имкониятига эга бўлади. Бу ҳақда Washington Examiner газетасида чоп этилган мақолада айтилади, деб ёзади «ТАСС».
Бундай имкониятни республикачига мамлакатни огоҳлантириш ва хабардор қилиш тизимини тартибга солувчи янги қонун тақдим этади. Унга кўра, Трамп 300 миллиондан ортиқ америкаликларга AMBER Alert халқаро тизими доирасида болаларнинг йўқолиб қолиши ҳақида, шунингдек, фуқароларнинг ҳаёти ва хавфсизлигига бевосита хавф солаётган омиллар ҳақида хабарлар юбора олади. Ушбу хабарлар фавқулодда вазиятлар ҳақида огоҳлантириш федерал тизими орқали бир лаҳзада муайян ҳудуд ёки мамлакатдаги барча телефонларга жўнатилади.
Фавқулодда вазиятлар ҳақидаги оддий хабарлар келишини блоклаб қўйиш имкониятига қарамай, америкаликлар ўзларининг янги президентидан билдиришномалар қабул қилишдан бош торта олмайди. Газетада қайд этилишича, Трамп қонунга кўра, турли хавфлар билан боғлиқ хабарларнигина юбора олади, у ушбу тизимдан сиёсий мурожаатлар учун фойдалана олмайди.
Изоҳ (0)