Озарбайжон президенти обрўси ва шаънини бадном қилиш ёки туширишга уриниш қаттиқ жиноятга айланди. Бундай қарорни мамлакат парламенти бош прокурор Зокир Гаралов таклифи билан қабул қилди, деб ёзади «РБК».
Бунгача Озарбайжон қонунчилигида президентни оммавий ахборот воситаларида ҳақорат қилиш учун жазо тайинланишини кўзда тутар эди. Энди ушбу моддага «ахборот интернет манбалари» термини ҳам қўшилди. Қонунбузарларни 500—1000 манат (920 000—1 800 000 сўм) миқдоридаги жарима ёки икки йилгача ахлоқ тузатиш ишлари, ёки бўлмаса икки йил муддатга озодликдан маҳрум қилиш жазолари кутади.
«Интернетдаги ахборот манбалари»да сохта исм, профиль ёки аккаунт билан президентга қаратилган ҳақоратларни тарқатиш билан шуғулланадиган кимсаларга янада жиддийроқ жазо кўзда тутилган. Улар 1000—1500 манат (1 800 000—2 800 000 сўм) жаримага тортилиши ёки уч йилгача озодликдан маҳрум этилиши мумкин.
Изоҳ (0)